SACD,抓轨,提取

gzgp123 2016-12-01 15:02:22

上集 : 5步 Rip 出 SACD

發佈日期: 2016年 07月 28日

圖 / 文 : 巴斯

http://www.avbuzz.com/audio-video/201607/sacd-rip-1/

http://www.avbuzz.com/audio-video/201607/sacd-rip-2/


要數本週最多人討論影音大事,必定是藍光機成功打低 Sony PS3 ,登上 SACD Rip 碟寶座,當中以市場佔有率最高的 OPPO 藍光機最使用家開心,一篇文章的出現, SACD Rip 碟歷史,一夜之間被改寫了。

按我重溫這篇文章


事前準備

相信大家都應該一早試用了,但作為 OPPO 用家的我,豈會不試試的理由呢?以下用家中 OPPO BDP-103 以 5完成小學生都懂的 SACD Rip 碟工序,事前要準備當然是家中的 OPPO  BDP-103,而且要接上家中內聯網,還有一部同樣是接上家中內聯網的 Windows 電腦,另外要一隻 USB 手指,當然 SACD 是不能少。


第一步下載

第一步是去下載破解檔案,目的地一共有兩個獨立檔案需要下載,一個抄去 USB手指,另一個抄去電腦桌面。


下圖可見 AutoScript 下載到USB 手指裡,成為破解工具


下圖可見 sacd_extract 這個檔案下載到電腦桌面裡,等待使用,內裡一共有兩個檔案內容。

按我帶你去下載破解檔案


第二步記IP

第二步係記下家中藍光機,處於內聯網的 IP , IP 每戶都不一樣,我家中係 192.168.1.7 ,你記你家中的,不要記我,記錯用不到的。


在 OPPO 按 設置 >>>>網絡設置內的 連接資訊 ,可見到這個 IP,立即記下 。緊記,我家中係 192.168.1.7 ,並不如你家中一樣,所以你記你家中 IP ,不要記我的,記錯用不到啊。


記得 IP 後,順手把藍光機設定的 自動播放模式 設為關上,然後關機再開機,待用。


第三步修改

回來電腦面前,把剛下載得到的 sacd_extract 檔案打開,可見到有兩個檔案,利用 記事本 來打開 sacd.cmd檔。

52


打開後,可以見到這個畫面,把這組數字,成上述提到過 OPPO 的 IP,你還記得自己藍光機的 IP 嗎? 記得就輸入該 IP,作為取代預設的吧。


如圖所見,預設是 192.168.1.106 ,我需要把她改成我家中 OPPO 的  192.168.1.7  。然後按 儲存檔案


第四步清場破解

把藍光機身上所有 USB裝置拿走,就算是越獄 USB 手指,都需要暫時拿走,把剛下載所得USB破解手指,插到藍光機身上去,這時轉盤會自動彈出,接下來就可以把這隻USB破解手指拿走,然後放入打算用作備份的 SACD ,再按藍光機的關門鍵便可。


插入USB破解手指後,轉盤自動彈出。


這時拿走USB破解手指,放入打算備份的 SACD 到轉盤再關門便可。


第五步收成

第五步是離開藍光機,走到電腦面前,直接雙 Click sacd.cmd 檔案,細心等候幾秒,就會出現下圖這個畫面,這也就是代表藍光機,正把 SACD所得檔案,過戶到電腦那邊。圖中最底部可見,數字在不斷去跳動著,正是收成期…


心急的話,可再去桌面 sacd_extract 檔案裡,可見到這隻 SACD 的成品正在建立中………..


這時藍光機屏幕顯示 Unknown Disc ,顯示器顯示 未知碟片都是正常的。


成功備份

登登登凳~~~~下圖所見成功了,收工~~~以這10首曲目專輯為例,一共用了20分鐘完成備份,唔快又唔慢,佢做遮,唔係我做,中途唔該要我答任何是否題,她一邊 Rip,我一邊睇電視,無任何投訴。

如果你以為咁就叫成功的話

我可以講你知

這個只係惡夢的開始……


下集 : 惡夢的開始

發佈日期: 2016年 07月 28日

圖 / 文 : 巴斯


理論上5步完成整個 Rip SACD 過程,但這破解方法所 Rip 出來的 SACD  ISO 檔案,無論用家喜歡與否,都只能被強制成品為SACD  ISO檔案。

ppp


直讀ISO

如用家是 ibasso DX80 ,乾隆盛 QA360,Fiio X7…..這類國磚機,SACD  ISO 直讀自然零難度,但好像我手上這些 Astell & Kern AK240 ,LGV10 或 Onkyo DPX1,無一件器材能直讀 SACD  ISO 檔案。可以講得物無所用,Rip完等於無Rip,唯有多做一步,就是用另一個軟件,把 SACD  ISO 檔轉換成 dff,唯有咁樣,我手上器材,先可以享受到所謂 DSD 帶來的高音質效果 。不過就算係可直讀 SACD  ISO 機款,唔代表唔需要後期處理,有留意檔案的歌手是誰嗎? Chris Wong , Chris Wong 是誰? 黃凱芹囉,係囉,如果你音樂庫裡,黃凱芹一向名為 Chris Wong ,咁當然無問題,如果唔係的話,即係要人手修改,就算歌手名唔需要修改,那每一首歌的歌名呢?


第六步ISO 轉 DSF

所以 Rip  SACD 成為 SACD  ISO 只係開始,好戲在後頭,呢個轉換軟件名稱為 sacd extract GUI 。放心,小學生都識用,篤幾下就成事,10首歌的一張專輯,幾分鐘轉換完,零難度。

按我到取有關軟件


34-1


惡夢的開始

嘿~~~~問題現在正式開始,上述所提到轉成 dsf 的軟件,沒錯是把十首歌曲分軌,但請問邊首打邊首呢,第一首叫乜名呢? 第七首歌又叫什麼名呢? 聰明的你應該想到現在是自己落手打字的時間了。不要誤會,這問題並不是由 sacd extract GUI 轉換軟件所帶來,而係由 SACD 碟內先天是否存在曲目資料。

0000008


高官都有教,人到無求品自高,下一句自己填丫,如果能夠容忍自己音樂庫的專輯無封面,無曲目資料,咁其實唔需要搞,就咁可以聽得架喇,因為歌曲內容是正確的,每首歌曲都可正常播放,只係資料顯示欠奉,最緊要忍得,就好似下面 AK240 屏幕所顯示,對某些人來講,有乜問題先,正所謂放下執著,天下無敵,但我唔得囉。


仲有第七步? 

容忍唔到? 咁落手搞囉,TagRenamePortable 這類軟件可幫到手,封面自己影又好,上網偷圖又好,總之自己搞,求神拜佛有靚靚封面偷到,否則又要自己影。歌曲資料方面,上網 copy & paste 又好,人手一隻隻字打入去又好,總之要落手搞,下圖所見係搞之前,首首歌都一樣名,唔知邊首打邊首。


dsdsdsdsds-1


拿,~~~~搞完就係咁款,屍伏晒,推出年份,類別,歌曲名,專輯名,歌手名………搞完得返半條人命,慘過做苦力。


ee-1


完成後,放入流動裝置就會顯示所有資料和靚靚封面出來,對我來講,咁先叫做真正完成 SACD Rip 碟工序,唉…..聽首歌遮,搞咁耐,睇場戲,去嘆下午茶無咁嬲,人生苦短,花時間在搞呢堆資料…….唉。


DSC00170


不過,並不是每一隻SACD專輯,都不存在資料吧,就以 Ray Charles 的 Genius Loves Company 為例,透過 sacd extract GUI 介面可見,歌曲資料是早殖入SACD 體內自有永有,無需為內容煩腦,只找封面就可以了,但找到也要用 TagRenamePortable 這類軟件把封面圖殖入,都係要搞,只不過搞少D咁解。

opo


DSC00160